കയർ വ്യവസായത്തിൻ്റെ സുവർണ കാലങ്ങൾ തിരികെ കൊണ്ട് വരുന്നതിന് വേണ്ടി പ്രവർത്തിക്കും.

ഒരു കാലത്ത് ലോകത്തിലെ കയർ വ്യവസായത്തിന്റെ ഹൃദയമിടിപ്പായിരുന്നു ചേർത്തലയും ആലപ്പുഴയുമൊക്കെ. കയർ വ്യവസായം ശക്തമായിരുന്ന സമയം നിരവധി കുടുംബങ്ങളിലെ സ്ത്രീകൾക്കും തൊഴിൽ ലഭിച്ചിരുന്നു. എന്നാൽ ഇന്ന് സ്ഥിതി വ്യത്യസ്തമാണ്. പല കയർ ഫാക്ടറികളും ഇന്ന് നിശബ്ദമാണ്. ഈ സ്ഥിതി മാറ്റുവാനാണ് ഞാൻ ആഗ്രഹിക്കുന്നത്. അതിന് വേണ്ടി പ്രവർത്തിക്കുമെന്ന് ഞാൻ നിങ്ങൾക്ക് ഉറപ്പ് നൽകുന്നു. കയർ വ്യവസായം പൂർണമായും പുനരുജ്ജീവിക്കുമ്പോൾ യുവാക്കളും സ്ത്രീകളുമടക്കം പലർക്കും തൊഴിൽ ലഭിക്കുകയും നമ്മുടെ നാട്ടിലെ തൊഴിലില്ലായ്മയ്ക്ക് ഒരു പരിധി വരെ പരിഹാരമാവുകയും ചെയ്യും.

കുട്ടികളിലും മുതിർന്നവരിലും വായനാശീലം വളർത്താനും പ്രബുദ്ധരായ ഒരു യുവ തലമുറയെ വാർത്തെടുക്കാൻ നമ്മുടെ വയശാലയിൽ കൂടുതൽ പുസ്തകങ്ങൾ ഉൾപ്പെടുത്തുകയും വയനശാല പ്രവർത്തനക്ഷമമാണെന്ന് ഉറപ്പ് വരുത്തുകയും ചെയ്യും.

അതോടൊപ്പം കുട്ടികളെ വായനയിലേക്ക് കൂടുതൽ ആകർഷിക്കാനുള്ള പദ്ധതികൾ ആവിഷ്കരിക്കുകയും ചെയ്യും.

വർഷങ്ങളായി നമ്മുടെ പ്രദേശം നേരിടുന്ന പ്രശ്നമാണ് മഴക്കാലത്ത് പറമ്പിൽ വെള്ളം കെട്ടി കിടക്കുക എന്നുള്ളത്. പറമ്പുകളിൽ വെള്ളം കെട്ടി കിടക്കുന്നത് മൂലം പലതരത്തിലുള്ള സാംക്രമിക രോഗങ്ങൾ നാട്ടിൽ പടർന്നു പിടിക്കുന്ന സാഹചര്യമാണുള്ളത്.

അശാസ്ത്രീയമായ ഡ്രെയിനേജ് നിർമാണമാണ് ഇതിന് കാരണം. ഇത് പരിഹരിക്കുന്നതിനുള്ള നടപടികൾ സ്വീകരിക്കും.

വലിയ പ്രഖ്യാപനങ്ങൾ ഞാൻ നൽകില്ല.

പക്ഷെ ഈ വാർഡിലെ റോഡിലെ ഒരു കുഴിയും, ഒരു ഇരുണ്ട തെരുവ് വിളക്കും, ഒരു തുറന്ന ഓടയും ബാക്കിയുണ്ടാകില്ല. ഇതിന്റെ വാഗ്‌ദാനമല്ല... വാക്കാണ്.